محمد علوى:
☆ ☆
هَذا حَالِي
وَا نَا عَالَمْ بِيهْ
مَنْ داخَلْ نِيرانْ
أُمَنْ بَرّا تْحِيرْ فِيهْ
لْبَسْمَة فْوَجْهي مَرْسُومَة
مُوراها لَغْرايَبْ تَخْفيهْ
لْمُخْ تالَفْ طايَشْ
اِخَمَّمْ فَلْهَمْ لِّي فِيهْ
فَطْريقي نْبَرْكَمْ نْشَالي
صْبَاعٍي نْشَيَّرْ بيهْ
مَرَّ هَنا قاضي
لَمْحايْني نَشْكي ليهْ
مَرَّ هَنَا حْكيمْ
لازَمْ أَمْري نَرْويهْ
مَا كُنْتْ قاضي ما كُنْتْ حْكِيمْ
نَعْطي حَلْ نْدِيرْ بيهْ
قْصَدْتْ شَوّافْ
لْضَرِّي نْعَاوَدْ لِيهْ
نَعْرَفْ سْبَابِي
وَ شِّي لِّي غارَقْ فِيهْ
هَمْهَمْ أُغَيَّبْ
حْتى بْيَاضُو عَيْنِيهْ
وَلِّيتْ فَحْسَاسِي
بَلْمَا نْرُشْ عْلِيهْ
فَاقْ أُشَيَّرْ
حالَكْ مَا نَقْدَرْ عْلِيهْ
ضَارْبَكْ كافَرْ رَعْوَانِي
هُوَ بْرَاسُو لَعْقل هارَبْ ليهْ
خْرَجْتْ نْلُومْ نَفْسِي
حْمَاقِي بَاقي زايَدْ فِيهْ
شْحالْ مَنْ صاحَبْ
شافْ حالي وَ تَشْغَلْ بيهْ
دارْني حْكايَة
فَرْبايَعْ إِقَصَّرْ عْليهْ
هَذا أَمْري مَانَا بَاغِيهْ
لْمُكْتابْ لازَمْ نْوَدّيهْ
جُرْحْ حالي قْدامْ
ما كايَنْ باشْ نْداويهْ
لي قْدَرْ يَعْذَرْ يَعْذَرْ
وَلِّي تْعَامَا الله اِجازيهْ.
القصر الكبير في:٢٢/٠٩/٢٠٢٢
