بقلم احمد بوعسرية
أصيلة …او زايلا
لمدينة لحايلة
فيها بيبان
كلها امان
محسوبة من الصغار
محاينها كبار
كثرت الزوار
مغاربة و,كوار
تقافة وفنون
لكل مهووس ومسكون
عندها بحر
ها الرمل ها لحجر
بنادم فيه كثير
من لكبير والصغير
كيف الصباح و لعشية
الحالة هي هي
فيها الغروب
ديما محبوب
لكل موهوب
النظرة فيه مرغوب
مأحلى جمالها
منين يدخل ليلها
الشوارع زحام
بالامن والسلام
ناس غادة وجاية
فالمعروضات ملاهية
المطاعم والمقاهي
كلشي مرتاح زاهي
هدي مدينة السياحة
الكل عايش فراحة
ولد لبلاد و البراني
الحمد لله كلشي هاني
منبن يكمل ليل
كان بالمسارية جميل
والى صبح الصباح
بيه كتشافى لجراح
احمد بوعسرية زجل لوكوس
.
