احمد بوعسرية ….(زجل لوكوس)
سبحان مبدل الاحوال
يغير حال من حال
بين الشمس والقمر
…….بنادم غادي جوال
يتمنى راحة لبال
والصحة راس المال
بين لغنى ولفقر
عايش على قد الحال
ليوم احنا فالدنيا
….. وغدا ما نعرف فاين
غير سارحين فالارض
…… ومصيرنا ما باين
بين خيرنا وشرنا
…… ما نعرف اشكاين
سبحان الله هو
…….لي عالم داري ومعاين
الدنيا عامرة زلات وجارة بينا
واحنا ما عارفين راسنا بش تبلينا
ما عالمين على ليام جاية اش مخبيا لينا
وحلاوة الدنيا فايتة والموت مفروضة علينا
احمد بوعسرية ….(زجل لوكوس)
