أحمد بوعسرية
لحارس بونو
لعبو من زينو
وها لفرق لكبار طلباته
على جنبو الحاكمي
اللاعب العالمي
فنان فالملعب ومرضي ميمته
ولعز لمزراوي
رجع فقمتو ساوي
وحتى كورة ما خانته
رمان سايس
على الوسط متكايس
حب الدفاع هوايته
وهداك لكرد
شحال مجهد
وزادت التقنية نفعاته
اما سي لمرابط
لحب لكرة يتخابط
وحتى فرقة ما قهراته
اشغنقول على زياش
بحالو ما كايناش
وحكيم فالملعب بسكاته
واحد املاح
بحال لمفتاح
القتال الجميل بحلاوته
وهاك على النصيري
مهاجم مصيري
هداف كبير من عادته
اما اوناحي
ضمدلي جراحي
الله يعز طريق لي جابته
بوفال لغزال
لمراوغ د لهبال
سعدات لي ولداته
وليد و وليداتو
حتى فرقة ما غلباتو
وبالنية الله زين بلاصتو
بلادي المغرب لحبيب
و ولاده لبعيد ولقريب
ديما المنتخب رافع رايا
