محمد علوى:
☆ ☆
زَمَانْ وَ شْمَنْ زْمَانْ هذا
دْجَاجَة تَحْرَتْ
وَ لْفَرُّوجْ يَشْطَحْ رَّكَادَة
مَا كَادَّتْ لْخَطْ
مَا شَدَّتْ حْدَادَة
تَايْهَة بِيْنْ طُّوبْ
فْلَحْفَايَرْ قَرَّادَة
إِلَا ضْرَبْتِيهَا تَهْرُبْ
إِلَا خَلٍّتِهَا لَزَّرِّيعَة تَنْقُبْ
إِلَا تْبَعْتٍيهَا تْطِيرْ
وْ لَا شَدِّتِيهَا تْقَاقِي تَنْدَبْ
تَبْزَقْ عْلِيكْ تْفَرْفَرْ
تْهَرَّسْ لَكْ لْبَرَّادَة
تَبْقَى لَا حَرْتْ
لَا حْصِيدَة وَجَّابَة
تَجْمَعْ مَرْكَسْ
بُو زْغَيْبَة وْ كُلَّابَة
مَا تَعْمَرْ كَصْعَة
مَا يَطْعَمْ طْيُورْ سَرَّابَة
قَاقَاي يَا دْجَاجَة قَاقِي
هَدَا زْمَانْ لْسَانْ وَ لَحْلَاقِي
مَا تَعْمَرْ فِيهْ نْوَادَرْ
مَا تَجْرِي فِيهْ سْوَاقِي
سْتَرْ يَاسَّتَارْ
لِي مْشَى مْشَى
وِ حْفَظْ لِي بَاقِي.
القصر الكبيرفي:٠٨/٠٩/٢٠٢
