احمد بوعسرية زجل لوكوس
عش حياتك
خلي زمانك مكانك
…….بيتكلم عليك
ما تنقص منه
ما تزيد فيه
.. راه طريقه باينا ليك
شحال من ثمرة
رجعت جمرة
…من الناس لي دارين بك
وشحال من عداوة
رجعت حلاوة
….بلا ما تبنيها بيديك
كنتي مزيان
فيك الاحسان
…بصمتك محسوبة عليك
كنتي شحيح
قبيح
……الله لي غ يجازيك
يمشي لعمر
والدار هي لقبر
..من غير أفعالك شكون يشفع ليك
المصير
يسير ولا عسير
……الله قدره وكتبه عليك
احمد بوعسرية زجل لوكوس
