سيدي، ومولاي، ولالة مولاتي

• الميلودي الواريدي:

سيدي، ومولاي، ولالة مولاتي

القاب غصبوها اشحال من قومان

ما حنشوا لوح ما خنشوا على قران

ما صحّفوا اجفار ما هم من اخيار الفرسان

طلوا من فم البير واستوخروا گالوا بلاتي

سيدي: باع بالجملة واشترى بالتقسيط

افهم سر الكلمة واقرا احروف التيهان

و قسح الجبهة، شرع الفم ومضّى اللسان

اركب حماره، صال وجال گدام اخيار الفرسان

ظن صهيل الخيل فالحركة مثيل التحرنيط

مولاي: انتف القط وباع صوفه بالربع للغافل

اتعنى بالمجدوبة والمجدوب واصروف البهتان

ب اقصاير السحت يجود ومرة بدموع العيان

يشير شوكته ويغيب فوكاره مثل الضربان

يتقوى عل الطامع ف الدنيا وگدام الصناديد جافل

لآلة مولاتي: تفسق فقصور العربان وتكنز فالعقار

فالدلالة سلفها طالع، والفجر “رابعة” ف الإيمان

محزمة بسيدي ومولاي تدعي بالقوة والجهد فنيان

تحلم بالعمارية وسريرها فالليالي شباب وصبيان

لا دوى داواها واللي مستور في الليالي يبان فالنهار

هكذا سر الحال وسر الدنيا سرار

شي ميزانه ذهب وشي ميزانه تراب واحجار
– الميلودي الواريدي:

سيدي، ومولاي، ولالة مولاتي
القاب غصبوها اشحال من قومان
ما حنشوا لوح ما خنشوا على قران
ما صحّفوا اجفار ما هم من اخيار الفرسان
طلوا من فم البير واستوخروا گالوا بلاتي
سيدي: باع بالجملة واشترى بالتقسيط
افهم سر الكلمة واقرا احروف التيهان
و قسح الجبهة، شرع الفم ومضّى اللسان
اركب حماره، صال وجال گدام اخيار الفرسان
ظن صهيل الخيل فالحركة مثيل التحرنيط
مولاي: انتف القط وباع صوفه بالربع للغافل
اتعنى بالمجدوبة والمجدوب واصروف البهتان
ب اقصاير السحت يجود ومرة بدموع العيان
يشير شوكته ويغيب فوكاره مثل الضربان
يتقوى عل الطامع ف الدنيا وگدام الصناديد جافل
لآلة مولاتي: تفسق فقصور العربان وتكنز فالعقار
فالدلالة سلفها طالع، والفجر “رابعة” ف الإيمان
محزمة بسيدي ومولاي تدعي بالقوة والجهد فنيان
تحلم بالعمارية وسريرها فالليالي شباب وصبيان
لا دوى داواها واللي مستور في الليالي يبان فالنهار
هكذا سر الحال وسر الدنيا سرار
شي ميزانه ذهب وشي ميزانه تراب واحجار