بقلم : ذ . محمد علوى
تْخَلْطَتْ فلعقول لَمْعاني
ما يجاوبك حَدْ تْسالو
غير لي هداه الله
يقول ما فاهم والو
شي عايش مرتاح
ما باغي حد يْسالو
شي زمان داه
ما عرف كيف جرالو
بنادم زاد عراه
فلباسو و قوالو
لفاسد شيطان غواه
تلف و تبدلت حوالو
فلهموز غرق اتاه
بَنْكير ْكثر موالو
لي عطا الله عطاه
زاد لحال على حالو
هذا زمان تهريج
كل و عندو تهلالو
بنادم رجع حريج
ما عارف مالو.
هايم تالف طجيج
ما فاهم والو
سُرَّاقُو ولاد لهجيج
من يمين سوق و شمالو
واش باغيين لعباد تهيج
الله يهديكم
راه زاد لحال على حالو
