البوحاطي

محمد علوى:

اَلْبُوحَاطِي
☆ ☆
لُكَانْ صْفِيحَة تْحَيَّدْ لْعَيْنْ
كُونْ نَفْعَتْ لَحْمَااارْ لِعَنْدو رَبْعَة.
لْمَلْعوقْ وَسْطْ رْباعَة
يَعْتَرْ يْهَرَّسْ لْكَصْعَة
إِقُولْ هَذِي عَيْنْ
يَرْجَفْ
تْبَانْ عْلِيهْ لْخَلْعَة
بُوحاطي عْتِيقْ
ظَاهْرَة فْعَيْنِهْ لْفَكْعَة
بَلْسَانُو يَفْتَلْ شْرِيطْ
تْبَوْحِيطْ شارَبْ مَنُّو صَنْعَة.
مَا يْدُومْ حَالْ
هَذا زْمانْ جْدِيدْ
مَا يَقْضِي حَرْزْ
وْ لَا ضْريبْ لْوَدْعَة
بَانَتْ اٌسْفَاسَفْ
تْفَضْحاتْ لْخُدْعَة
وَاشْ تَايَقْ نَّاسْ بَضْعَة؟
تَشْرِيهُمْ وْزِيعَة
كُرْعَة كُرْعَة؟؟
أُبَتْكاتَكْ أَلَالَّة (بتفخيم)
بَتْكاتَكْ أَسِيدِي( بترقيق)
وَخَّا تْعَلَّقْ صْفَايَحْ بَلْعَة
مَا يَنْفَعْ جْدِيبْ
لَا تَفْراقْ سَلْعَة
مَا يْتِيقْ حَدْ
مَا مَنَّكْ خَلْعَة
كْدُوبَكْ بَايَنْ
وَاخْدُو صَنَعَة
بَارَكَا يَهْدِيكْ اٌلله
كْلَامَكْ بَدْعَة
مَايْدُومْ غِيرْ صَّحْ
تْبَوْحِيطْ مَا لِيهْ نَفْعَة
كُلْشِي عَاقْ أُفَاقْ
مَا يَنْفَعْ رْغِيبْ
مَا تَقْضِي دَمْعَة.
Mohamed aloua