احلامنا

فاين مشات ديك ليام
لي كانت فخيالنا كلها احلام
واقفة معلقة فصدرها وسام
اليوم بقا عليها غير لكلام

كان الإنسان عندو مقام
عايش فيها بحب وسلام
مشأت ايام وجات ايام
تمنيناه فالاخير حسن الختام

منين قربنا نوصلو الخاتمة
شفنا ما بقات عندنا قيمة
لا ادب لا تصرفات لا زين لكليمة
و عقولنا تخروضت ما بقات سليمة

كل نهار وليل الف تخميمة
شي راكب شي شاد السريمة
ما بقى حبيب ولا حميمة
غير غوبشة بدون تبسيمة

تمنينا غير رضا الوالد والميمة
يكون فجنبنا واقف معانا ديما
هذي لي مخلية حياتنا كريمة
وعيشتنا عيشة معطرة بنسيمة

….احمد بوعسرية .زجل لوكوس

المصدر : https://ksar.es/?p=13252