فرحتي

 احمد بوعسرية

فرحتي ما بحالها فرحة
شحال دوات فيا من جرحة
لا رأس يحرق ولا صدر فيه كحة
ولا المعدة عرفت قرحة

فرحتي غير دايزا ما دوم
تمشي ايام وتجي يوم
مرة ضحك و مرات هموم
و ساعة تجي ريحها منسوم

هي لي باقي شاد فيها راحتي
طبيعتها خضرة راوية واحتي
ولي عاجبني بزاف ف فرحتي
مخلياني واقف مرتاح فصحتي

مبعداني على الأحزان
فتحت ليا بيبان ألوان
خلاتني عايش كانسان
حزين لكن مع راسي فرحان

بغيت فرحتي نقسمها معكم
تكون جميلة كيف ما تمنيتها لكم
وخا كاملين محتاجين ليها
بلا ما نقلبو عليها
نخليوها حتى تجي على رجليها

….احمد ابو محمود بوعسرية…