– أحمد بوعسرية :
فل تحيى. المرأة المغربي
وحدة دات النجومية
فالأيام العادية
مقدة فايتة المسؤولية
… بكل سخاء وعفوية
تقيل النهار تجري
تشوف شغالها تتعجب
ماحيلتها لهادي ولهاديك
….ما تعيا ما تتعب
تصبن تعجن….تربي وتحن
.مرتاحة ما تتعدب
توجد الطابلة بالشهوة
… يظهر فيها لعجب
مكافحة و مقاسية
معانية مع الوقت.ما ترهب
.وعندها الدنيا هانيا
والاسرة عاطية كل حب
عايشة مستورة
تجبرها ديما مبشورة
ماتشكي ما تقول انا مقهورة
…..ولا مضرورة
هي بنت البادية والمدينة
ديما فجنبنا وقريبا لينا
ما بين شغل الدار والكوزينا
…لهل يخطيهم علينا
هذي غير شهادة
يمكن فيها الافادة
لكل مراة يا سادة
بامنة بشغل الدار عبادة
تقدر تكون امك
مراتك ولا اختك
يمكن كاع تهمك
… غير عطيها حقها بالزيادة
….بقلم احمد بوعسرية…زجل لوكوس
