بقلم احمد بوعسرية.*
كيفاش بغينا الله يرحمنا
…….. وسيدنا محمد فينا يشفع
بنادم فالدنيا غير كيرg ع
كرشو عامرة و مابغى يشبع
لاخ لخوه فهاد الوقت بقا ينفع
وصلة الرحم والنسب بقات تقطع
الحقد فقلوبنا ما بغا يتنزع
حتى لعشور بنادم فيها يطمع
شجرة الخير مابقات تزرع
كلشي عندو غير دفع دفع
غير السجود وكترة الركع
لادعوات من القلب ترفع
الرياء فالبشر والخير يتصنع
الرجوع لله يااهلي راه الله علينا مطلع
الانسان عايش بحال السبع
تايه مع الدنيا واكل مخ الضبع
الحب بنتنا ما يتفرق ما يتوزع
المخير فحياتو عايش يضرع
مابغينا مال لا جاه و لا متاع
غير نتكتلو والخير يتعمم ويتجمع
كل واحد فينا لاخر يسمع
ضميرنا وعقولنا تتصفى ولله ترجع
يمكن شمسنا فالنهار تطلع
فليلنا قمرنا يكبر ويسطع
الشتا فوقتها على قد النفع
الى بغينا الله يرحمنا وسيدنا محمد فينا يشفع
.. بقلم احمد بوعسرية. زجل لوكوس
زجلية…..محفظة
