_________ محمد بدري ________
جات الموت..
طلت طلة و مشات
حصدت أرواح
خلات فالقلب غصة
و العين دمعات
اخبارنا شافها البراني
فالمواقع و القنوات
ما سوقنا ليهم..
حظارتنا لا ثقافة
لا ثراث
سوقنا مدينة الإقصاء
و ماء الحياة
لبارح كانوا بيناتنا
مقصيين
و ليوم راهم جثة فالثلاجات
أصلا ما محتاجينهمش
لا فتنمية و لا إنتخابات
إلا ماتوا هادو ليوم
تهلاو لي باقي بالحياة
ببرامج التوعية بالتطبيب
بالإدماج و الحق
فالحياة..
هم ولادنا و خوتنا
معانا تربات و كبرات
ناخدوا كلنا درس
و ما نساوش لي فات
نبداو صفحة جديدة
و ما تعاودش المأساة
ربي راهم بين يديك
اشملهم بالعفو و المغفرة
و الرحمات..
(ماني نظايمي و لا زجال غير العين دمعات و ضاق الحال)
