محمد علوى:
مَارْتِيلْ يَا مَارْتِيلْ
☆ ☆
مَارْتِيلْ
يَا تَاجْ وْطَانِي
شَاخَدْ بْهِيجْ
يَا زِينْ رْصَايَفْ
وْ لْمَنْظَرْ فْجِيجْ
يَا عْرُوسْة بَاهِية
تبْرَزْ بْرَاسْ تْوِيجْ
زَاهْرَة بَنْوَاوَرْ
تَحْزَامْهَا مَنْدِيلْ نْسِيجْ
لِيلَكْ اِفَرَّحْ
نْهَارَكْ مْبَهْجْ فْرِيجْ
شْوَارْعَكْ بَاهِيَة
وَ صْبَاحَكْ بْيَضْ تْلِيجْ
بَحْرَكْ بْسَاطْ هَادِي
مَا يْخَوَّفْ وْلِيجْ
رْمَالَكْ ذْهَبْ صَافِي
تْدَاوِي لْحَايَرْ لَفْلِيجْ
يَا زَايَرْ مَارْتِيلْ
سِيحْ وَ تْفَجَّجْ
أُكُونْ حَاكَمْ فْصِيلْ
تْمَتَّعْ بَلْمْحَاسَنْ
فْكُلْ مْكَانْ ضْلِيلْ
زِينْ نَاسُو نَاهِي
لْسَانْهُمْ لْطِيفْ عْدِيلْ
اِكَرْمُو كُلْ زَايَرْْ
أُكُلْ ضَيْفْ حْلِيلْ