_ احمد بوعسرية زجل لوكوس
تكلم لبراد وقال
موحال ينساوني
….. ناس لعشرة موحال
لي شدوني وغسلوني
وفسخو فيا اتاي
… ونسموني بالتشلال
عمره عليا ماء طايب وسكر
….. ونعناع وزادوني فالحمال
من بعد شحروني
.فدوارة معدن حطوني
… سميتها صينية من هذي شحال
زادو حدايا
حبابي واصحابي
العاشق فيا وكيسان زاج بحال لحال
اوا بداو فيا
قلب شقلب
بغاو مني كاس برزتو
……….عليه ما يسول ما يسال
من فمي عمرو كيسان
يشربوا الحاضرين
……… ناشطين به حلال
حتى رجعت مفخرة براسي
شريك فالافراح
…….والجلسات مع نسا ورجال
ورجعت زينة فكل دار
عندي قيمتي وفيا
……. اكتر من راحة لبال
احمد بوعسرية زجل لوكوس
