احمد بوعسرية.…….زجل لوكوس
هيهات هيهات
الله على حياة
كي ولات
مابقينا نفرقو بين الحسنات
….والمعصيات
الناس تبدلات
وعلاش تبدلات
والحياة غير ذكريات
كنا عايشين فالويلات
لكتير فينا عايش على الفتات
شبعانين
فرحانين
على الحب متفاهمين
راضيين
مرضيين
والمودة جامعنا كاملين
اليوم ناس شبعات وتفقهات
لخير نسات
لحب الدنيا هواة
ولينا غضبانين
جيعانين
غير مخاصمين
حاسدين
والحب لبعضنا ناسيين
علاش مانكونو متحابين
بحال لي وصانا الدين
لبلاد جامعنا كاملين
نعيشو ناشطين
متقفين متفهمين
واحنا كلنا عارفين
فالاول وفالاخير اصلنا طين
