
بقلم : أحمد بوعسرية – زجل لوكوس
عمرت المعنى فراسي….
طيحت شعري بيض وكحل
بقيت معاها نقاسي….
تلفت فبيوتها ما قدرت نوصل
خفت نزيد فنعاسي….
ندخل لبوحورها و نوحل
منين بقيت شاد راسي….
رجعت زايدني غير فالحمل
كندير مع وسواسي….
عارف فين ما مشيت نحصل
يمكن كاع تعري راسي….
تردني صلع و فصحتي نتسل
اللهم نرجع لناسي
نمشي فطريقهم غير بالمهل
خصني غير نكون سياسي
ماشي مشكل نتحمل بعض المرة الثقل
…احمد بوعسرية…زجل لوكوس