بقلم : أحمد بوعسرية
دخلت لطرقان وزناقي
….جبرت كلشي كذوب
الكره رجع حبيب
والعز عليه مغضوب
لفقيه ما بقى
…يداوي بالسبوب
العطار حرفتلو
….مع كترث لعشوب
حتى تفسد الزمان
رجع كيف الشمع يدوب
لا طالب
راغب
……للعلم مطلوب
والناجح
الفالح
…..صبح فعلمو مرسوب
الفاسد
بعقل جامد
…..خارج بلا ذنوب
والداخل للطريق
غريق
……كلو عيوب
هاذ الزمان الحيلة ما بقات
….تفك من لهروب
وقراية الخط والجدول
……بقات تقرا بالمقلوب
الزمان تعوق
وخا مزوق
…والحب مبني بساس مجعوب
الدنيا تحابت
بصفاوت
……لعقول ولقلوب
ماشي بالبهتان
والطغيان ولكذوب
احمد بوعسرية ….. زجل لوكوس
