محمد علوى:
يَا مْغَيَّرْ كْسَاتُو
بْلَوْنْ سْمَاهْ
يا سَامَعْ لْهَمْ
أُفاهَمْ شْكاهْ
صْفاكْ رْزينْ خاتَرْ
لْراحَةْ نَّفْسْ مْوَفََّرْ
لي قَصْدَكْ كَاسَبْ قُوتُو
مانَحْ جَّوْهرْ وَ تْبَرْ
مَالَكْ يا لَبْحَرْ
بَغْيامْ سْمَاكْ
وَجْهَكْ مْكَدَّر ْ
تَايَرْ
بْصَوْتْ لَمَّاجْ تْعَبَّرْ
أعُمْقَكْ هَادِي مْقَدَّرْ
نَاجِيكْ يا بَحْرِي
يَا كَاتَمْ سْرِّي
لِّي مَا نَقْدَرْ عليك نْدَارِي
شْحالْ ما خْبِّيتْ
لْسَانْ صَمْتِي
بْسَرِّي سَارِي
مَهْمَا بُحْتْ
مَنْ نَبْضْ لْقَلْبْ
تَعْرَفْ سْرَارِي
سَرَّكْ غْريب يا لَبْحَرْ
ليكْ ما نَقْدَر ْنْجارِي
نْتَ سْمِيحْ عْفيفْ
فَصْفا و َلْجَوْ ظْريفْ
غاضَبْ مْزَمْجَرْ عْصِيف ْ
مَدَّكْ مْغَلَّبْ
و َانَا رْهيفْ مْعَذََبْ
مانْكونْ كيفَكْ نْصِيفٌ.
سري وسرك عجيب يا لبحر
نت مغير كساك بلون سماك
وانا سري بلسان صمتي ساري
من نبض القلب تعرف سراري..
مارتيل في 29/07/2024َّْ
