( رَانَا غِيرْ دَاوِي ، فَوْتَارِي نْسَاوِي ) حْكَامْ لْغَابَة

محمد علوى
☆ ☆
شُوفْ لْحَالْ
لِّي خْسَرْ !
بَحْكَامْ لْغَابَة
لِّي كْثَرْ !
حْتَى وْصَلْتْ لْحُكْرَة لَجْدَرْ
أُطَاحَتْ دْمُوعْ بَجْمَرْ
لْفَسَادْ طَارْ وَ نْشَرْ
جْنِاحُو فَجْبَلْ وَ دْشَرْ
يْقَلَّبْ عْلَى فْرِيسَةْ لَغْدَرْ
بَوْرَق جِّيبْ يَهْدَرْ
مْعَ لِّمَاعَنْدُو زْهَرْ
عَايَشْ يَكُلْ بْلَقْدَرْ
من كُفَّة هَدَاكْ
لِّي شْفَرْ
وِ يْهَزْ كَفَّو فْلَفْجَرْ
يَفْتَلْ لْسَانُو بَذْكَرْ
يَطَلَبْ لْعَزْ وَ نْصَرْ
لْمُولَاهْ سِيدِي قْدَرْ

واا مَالْ لْغَابَة مْقَلْقَة !؟
رَاهْ لْمَنْشارْ فَجْدَرْ
طَالَعْ هابَطْ يَنْشُرْ
لِدَارْ لْخِيرْ يَتْمَرُ
مَشِّي بَلْغَيَّاطْ لَعْوَرْ
طَبَّالُو صْمَكْ يَعْثَرْ
يْنَقَّزْ بِينْ لَحْجَرْ
خَازَنْ لَفْعَة فْلَقْجَرْ
Mohamed aloua.