احمد بوعسرية… ( زجل لوكوس)
الخبز لمشروك تنبز
كلام الذل زيان وتعز
لعقل الصغير لخفيف همز
ولكبير الثقيل بالريح تهز
ما بقى فايامنا هوا يتنسم
لا خبز و رغيف يتقسم
لقلوب ما بقات تبتسم
ولعظم الصحيح بدا يتهشم
كا زمان بديع مبروك
بالحب ولخير مشروك
رجع كلشي متروك
بسموم الطريق مسلوك
كل واحد شاد فطوال
يجبد فيه على قد الحال
بنادم غير جوال
يتقاتل مع الموحال
فين غادة بنا هاذ الدنيا
قلوب الناس قاسية
عافية تابعة عافية
نشفت الارض الراوية
فين محبة جدودنا ورثناها
فين ليام الزوينة لي عشناها
ليوم يمكن ضيعناها
وكملنا عليها منين نسيناها
الله يرد بنا
….يمكن كاع مشينا
كيف لعمر غادي بنا
نتمناو الله بفاجيها علينا
هاذشي ما بقى يواتينا
