تضامن

احمد بوعسرية ( زجل لوكوس

تقدر المكتوب
بانو لعيوب
ولمكتاب ما منو هروب
لكن ضامنت قلوب
من الشمال للجنوب
…رجع كلشي محبوب

هذا مغرب الامان
تضامن الانسان
مع خوه الانسان
شحال نقص من الاحزان
بغيت نكتب على الزلزال
لكن قوة التضامن نسا ورجال
تفتحت طرق فالجبال
…داره كلشي ما بقى ما يتقال

شفت هاذ التضامن
نسيت فيه نص الاحزان
كلشي متضامن
الدعم جاي من كل مكان
كلشي باغي يعاون
…قليل كتير و بش ما كان

حل علينا القدر
تحملناه وتقاسمنا الالام
تضامنا على الضرر
تفاعلنا بحب الانسانية والسلام
ماسات وقهر
خرجناها من وسط لغمام
لمغرب خدم وضفر
وشاركوه جميع دول العالم

هذا المغرب لكبير
بملكه رمز الخير
وشعبه بالكبير والصغير
باغيين للبلادنا تكون بيخير

احمد بوعسرية ( زجل لوكوس)