محمد علوى:
هي محاولة في كتابة النص الزجلي الغنائي ، أتمنى صديقاتي أصدقائي أن تروقكم.
. يَا لْغَايَبْ
☆ ☆
يَا لْغَايَبْ
مْشِيتِي فُوقَاشْ تْوَلِّي
رْوَاحَكْ غْرِيبْ
مَحَّنْ قَلْبَكْ أُقَلْبِي
رْجَعْ ، خَلِّتْنِي تَالَفْ
لَرْمُوش نْطِيَّحْ وَ نْعَلِّي
دْمُوعْ لَجْفَانْ حَاصْرَة
عَلْخَدْ تَقْطُرْ وَ تْنَدِّي
نْضَلْ نَحْضِي سَامَرْ
وْ نِيرَانْ شُّوقْ فِيَ تَكْدِي
أَشْمَنْ طْرِيقْ تْوَلِّي
وَاشْ عَجْبَكْ فْرَاقِي ؟
وَاشْ خَلَّاكْ لْبُعْدْ مْسَلِّي ؟
غِيرَكْ عْشِيرِي
مَا يْعَمَّرْ لْعَيْنْ وِ مَلِّي
كُنْتْ عَانِي بَدْفَاكْ
خْيَالَكْ مْرَافَقْ ضَلِّي
آشْ كَانْ سْبابَكْ؟.
وْ لَا سْبَابِي لكَانْ مْتَلِّي ؟.
شْفَقْ يَا لَكْرِينْ
شُوفْ كِدِّيرْ تْوَلِّي
مَا قَادَرْ نْبَعَّدْ عْلِيكْ
أُو لِيكْ نْخَلِّي.
يَا رَّايَحْ عَلْقَلْبْ
مْشِيتِي كِدِّيرْ تْوَلِّي
رْوَاحَكْ غْرِيبْ
مَحَّنْ قَلْبَكْ أُو قَلْبِي.
