
احمد بوعسرية زجل لوكوس
كنتي ليا صديق
ولمدينة خير رفيق
بابداعك واسلوبك الرقيق
رجعتي معزوز مكروم
…كيف سكاتك كيف كلامك ديما لبيق
الله يرحمك روح
كنت بكتابتك تداوي المجروح
ل ادبك واحترامك خليتي قلبك مفتوح
ولبلادك واحبابك واصحابك كنت خير نصوح
اه يا اخاي عبد الواحد
كنت ما انت غير واحد
ديما لثقافة لمدينة مساند
… محبوب للجميع والله معاين و شاهد
من طبعك كنتي فنان
على دواير الزمان
من كان يا ماكان
ثقافتك كانت الوان
عايشة معنا لحد الان
وغتبقى على طول الزمان
مرسخة فالاذهان
من عند مبدع انسان
لي تمنينا له الجنان
…بجاه النبي العدنان