——– عبد الحميد مومن ——-
عدول أرضك يا لقصر
كتبو عليك الزور
وقاضي سماك شاهد
من ورا ضهرك، العنق منحور
ولحزام،،، بدم لغدر سارد
طاح حزامك وطار لحيا
تنكس علامك ودفنوه ف لفيا
ومازال لمخبي ، من لي عرفوك عاهد
تعزيت فيك
تعزيت فيك وماني مولاك
حد قدٌي فدخولي جواك
ندخل ف سعدك لقديم
ندخل ملي كان خيرك عظيم
ونخرج غريب من باب الحسرة
نبكيك بدموع مانزلت ف مرة
ونسد الباب
مابغيت عزو من حد
يكفيني قاضي السما شاهد
مومن القصري
