محمد علوى:
☆ ☆
طْلَعْ لْجَاهْلْ
لَابَسْ لْبَاسُو
طَالَقْ لْسَانْ
فْلَقْصَرْ أُنَاسُو
لْوَاعَرْ فَجْنَابُو
دَاخَلْ فَحْسَاسُو
بَايَنْ تَاشِي مَفْرَاسُو
بَكْمَامُو يْشَالِي
لِي لْقَاهْ إبُوسُو
مْعَنْكَرْ شَارِي بَفْلُوسُو
يَضْحَكْ ، يَضْحًكْ
حَتَى بَانُو ضْرَاسٌو
عَارَفْ وَقتَاشْ إِسُوسُو.
وَا رَاهْ نْوَاعْرِي
مَيْخَلِّي بْعِيدْ
مَايْخَلِّي نَاسُو
تْخَلْوِيضْ قَرِيهْ
حَافَرْ سَاسُو
مَا دْخَلْ لْحُفْرَة
حْتَى هَزْ فَاسُو
لَكِنْ كَبْضَةْ لْفَاسْ
دَاهَا عَسَّاسُو
مَا يَجْبَدْ لْكَنْزْ
حْتَى يْخَلَّصْ قْيَاسُو
هَكْذا هِيَ
لَخْرُوفْ عَارَفْ فَرَّاسُو
