– احمد بوعسرية زجل لوكوس
الى بغيتي لحديث
عرف مع من تجمع
الى تحاورتي
تحاور ف شي حاجة كتنفع
الى تشاورتي
تشاور بلخير يقدر ليك يرجع
منين تبدا لحديث
حني راسك طلق وذنيك و سمع
تقدر تسمع كلام على مدينتك كيخلع
على مسؤول قدو قاش كيرgع
بالكلام الزين والكذوب كيتصنع
على ناس مفركتة كيف دير تجمع
ناس عايشة فالخير كتستمتع
و شي عندو غير دفع دفع
اولد لجواد اصل لبلاد على مدينتو يتوجع
تسالا الحديث شي تكلم شي سمع
على حب لمدينة بجدورها كلشي تمتع
عارف اصلها وتاريخها من لقديم تبدع
الحمد لله تبعنا الواد وعرفنا المنبع
