زّينْ رْكِيكْ

محمد علوى:
وحدات هذا النصوص مبنية على وصلات “عَيُّوعْ”، مستقاة من المنثور الشفهي الخلطي ، أخذت مقدمته من الأستاذ عبدالسلام بنقاسم ، التي كانت كمنطلق لبناء الوصلات الموالية.

زّينْ رْكِيكْ
☆ ☆
أَنَا لِعَيْرُونِي بَرُكَّة
وَ الله أَنَا مَا رْكِيكَة
مَارْكِيكْ غِيرْ حَبْ جَّوْهَرْ
يَتْبَاعْ بَسُّومْ لْغَالِي.

لِي حَبْ رْكِيكْ
يْكُون قَلْبُو مَالِي
زِينُو فِيه مْسَكّدْ
شَامَخْ بِيهْ فْلَعْلَالِي
عَشَّاقْ رْكِيكِ مْسَنَّدْ
لْطَافَة وَ جَّاهْ لْعَالِي
بْخَفَّةْ رُّوحْ مْوَسَّدْ
وَ حْدِيثْ جَوْهَرْ يْلَالِي
رْكِيكْ فَلْبَاسْ قَفْطَانْو
هَيْأَة شَاخْدَة فْبَالِي
بْلَمْضَمَّة وَاقَفْ تَحْزَامْ
رْفِيعْ بْلْهَمَّة يْشَالِي.

أَنَا لِعَيْرُونِي
بَرَّكَّة عَيْرُونِي
أُرُكْتِي رَكَّة بَشَّانْ
عْقَلْ وَ زِينْ أُ هَمَّة
يَحْسَنْ عَوْنْ لِي بِيَّ وَلْهَانْ.

وَااا صَيَّفْ يَا صِيَافْ
صَيَفْنِي بَلْغُمْرَة
زِينِي رْكِيكْ صَافِي
مَا يْسَاوِيهْ ضَيْ كَمْرَة

أُرَانَا مَا رَنَا
سْبُولَة عَامْرَة كَمْحْ وَ شْعِيرْ
بِينْ طُّوبْ أُو لَغْدِيرْ
نْعَمَّرْ دَّارْ وَ نْدِيرْ
لَهْلِي لْعَزْ أُو لَخْمٍيرْ
حْبَابِي دْعِيوْ بَتِّيسِرْ.

أٌزَغَرْتِي يَا زَغْرًاتَة
شَدِّي لْجَامَكْ مَانْتِي فَلَّاتَة
سُّرْبَة زَاهِيَة حَنَّاتَة
تْغَانَّا بِيهَا لَخْيَولْ سْرَاتَة.

رَانَا حَادْكَة مَسْرَارَة
نَعْجَنْ لَكْرُونْ أُو بَغْرِيرْ
صَايْنَة حَوْشْ زَرِيبَة
نَسْقِي مَايَ مَنْ لْبِيرْ
مْنَقْيَة نْوَالَة وَ تَّشْرِيبَة
نَخْدَمْ فَنَّادَرْ وَ لَعْدِيرْ.

Mohamed aloua.