أحمد بوعسرية :
راكم معنا
الله يخليكم معنا
غير تهلاو فينا
بش تحرك السفينة
تكون ايامنا زينة
. ……ونعيشو فسلام وسكينة
إلى كتبنا … قراونا لينا
إلى جهلنا …فقهونا و وعيونا
جعنا بخبزكم قنعونا
تعرينا …غير سترونا
مرضنا ….الله يشافينا
طالبين غير لي عليه قدينا
ماتزيدونا ما تنقصونا
…. و بلا ما طمعونا
بركة ل عطيتونا
..راه يشيط الخير علينا
غير ما تنكدوش علينا
…..راه ليه فينا كافينا
وبلادنا عزيزة علينا
احمد بوعسرية….زجل لوكوس
